Ducj i nestris persuts a vegnin dai purcits pesants tipo nazionâl nassûts, tirâts sù e macelâts dome in Friûl – Vignesie Julie.
I recuisîts de cuesse frescje a son: pês minim no mancul di 12 chilos e la conservazion dal talpìn.
Il cicli produtîf al dure almancul 16 mês e il timp di stagjonadure al pues superâ ancje i 24 mês in funzion dal pês de cuesse.
A vegnin lavorâts lots predefinîts a setemane doprant dome ingredients naturâi (sâl di mâr). Il rispiet dai plui sevêrs dissiplinârs in vigôr al è garantît dai timbros e dai codiçs alfanumerics dal arlevament, dal macel e de produzion ripuartâts inte cedule di conformitât ch’e compagne il prodot.